سیاہ رات کی سب آزمائشیں منظور (ردیف .. ا)

سیاہ رات کی سب آزمائشیں منظور

کسی سحر کے اجالے کا آسرا تو ملا

نظر ملا نہ سکے ہم سے وہ تو غم کیا ہے

کہ دل سے دل کے دھڑکنے کا سلسلہ تو ملا

ہے آج اور ہی کچھ زلف تاب دار میں خم

بھٹکنے والے کو منزل کا راستہ تو ملا

سرشک چشم سے موتی بہت لٹائے گئے

تری نگہ کے شہیدوں کو خوں بہا تو ملا

جہاں نگاہ سے انساں بنائے جاتے ہیں

وہ باب مے کدہ میرے لیے کھلا تو ملا

ستم ظریف محبت کو جرم کہتے ہیں

گناہگار کو جینے کا آسرا تو ملا

نہ رہنما ہے نہ منزل دیار الفت میں

قدم اٹھاتے ہی خضر شکستہ پا تو ملا

مرے جنوں نے کھلائے ہیں پھول صحرا میں

مرے جنوں سے بہاروں کو حوصلہ تو ملا

سمجھتے تھے کہ وفا نا شناس ہے دنیا

سرورؔ ہم کو بھی اک درد آشنا تو ملا

(1682) ووٹ وصول ہوئے

Your Thoughts and Comments

Siyah Raat Ki Sab Aazmaishen Manzur In Urdu By Famous Poet Aal-e-Ahmad Suroor. Siyah Raat Ki Sab Aazmaishen Manzur is written by Aal-e-Ahmad Suroor. Enjoy reading Siyah Raat Ki Sab Aazmaishen Manzur Poem on Inspiration for Students, Youth, Girls and Boys by Aal-e-Ahmad Suroor. Free Dowlonad Siyah Raat Ki Sab Aazmaishen Manzur by Aal-e-Ahmad Suroor in PDF.