Kuchh Bhi Nahin Hai Pas Tumhaari Dua To Hai

kuchh bhi nahin hai pas tumhaari dua to hai

is shahr-e-be-charagh mein ek aasra to hai

hathon mein mere chand sitare nahin to kya

dil mein tere yaqin ka raushan diya to hai

raste ki mushkilon se hirasan hai kis liye

jis ka nahin hai koi bhi us ka KHuda to hai

kis se chhupa raha hai tu dil ki kahaniyan

wo haal-e-roz-o-shab se tere aashna to hai

'anjum' kisi se lakh bahane kare magar

lekin bichhaD ke tujh se wo bikhra hua to hai

(1290) Peoples Rate This

Your Thoughts and Comments

Kuchh Bhi Nahin Hai Pas Tumhaari Dua To Hai In English By Famous Poet Aanand Saroop Anjum. Kuchh Bhi Nahin Hai Pas Tumhaari Dua To Hai is written by Aanand Saroop Anjum. Read famous Poem Kuchh Bhi Nahin Hai Pas Tumhaari Dua To Hai for youth and Student by Aanand Saroop Anjum. Free Download Kuchh Bhi Nahin Hai Pas Tumhaari Dua To Hai in PDF.