لاکھ پردوں میں گو نہاں ہم تھے

لاکھ پردوں میں گو نہاں ہم تھے

پھر بھی ہر چیز سے عیاں ہم تھے

ایک عالم کے ترجماں ہم تھے

ان کے آگے ہی بے زباں ہم تھے

ہم ہی ہم تھے وہاں جہاں ہم تھے

آپ آئے تو پھر کہاں ہم تھے

ہر رگ و پے میں برق رقصاں تھی

ہائے وہ وقت جب جواں ہم تھے

آج تو خیر سے ہیں عرش مقام

کل زمیں پر بھی آسماں ہم تھے

غم کے ماروں کو ناز تھا ہم پر

جذبۂ غم کے ترجماں ہم تھے

ہر قدم پہ تھی سامنے منزل

سوئے منزل رواں دواں ہم تھے

زندگی بھر جو لب پہ آ نہ سکی

درد و غم کی وہ داستاں ہم تھے

دوستوں کا تو ذکر کیا آتشؔ

دشمنوں پر بھی مہرباں ہم تھے

(1020) ووٹ وصول ہوئے

Your Thoughts and Comments

Lakh Pardon Mein Go Nihan Hum The In Urdu By Famous Poet Aatish Bahawalpuri. Lakh Pardon Mein Go Nihan Hum The is written by Aatish Bahawalpuri. Enjoy reading Lakh Pardon Mein Go Nihan Hum The Poem on Inspiration for Students, Youth, Girls and Boys by Aatish Bahawalpuri. Free Dowlonad Lakh Pardon Mein Go Nihan Hum The by Aatish Bahawalpuri in PDF.