ذکر ہم سے بے طلب کا کیا طلب گاری کے دن
ذکر ہم سے بے طلب کا کیا طلب گاری کے دن
تم ہمیں سوچو گے اک دن خود سے بے زاری کے دن
منہمک مصروف ایک اک کام نمٹاتے ہوئے
صاف سے روشن سے یہ چلنے کی تیاری کے دن
روز اک بجھتی ہوئی سیلن بھرے کمرے کی شام
کھڑکیوں میں روز مرجھاتے یہ بیماری کے دن
نم نشیلی ساعتوں کی سرد زہریلی سی رات
خواب ہوتے جا رہے ہوں جیسے بے داری کے دن
حافظے کی سست رو لہروں میں ہلچل کیا ہوئی
جاگ اٹھے دھڑکنوں کی تیز رفتاری کے دن
ذہن کے صحرا میں اٹھتا اک بگولہ سا کبھی
گاہے گاہے کار آمد سے یہ بیکاری کے دن
دم بہ دم تحلیل سا ہوتا ہوا منظر کا بوجھ
سہل سے ہوتے ہوئے پلکوں پہ دشواری کے دن
عمر کے بازار کی حد پر نوادر کی دکاں
کچھ پرکھتے دیکھتے چنتے خریداری کے دن
رہ گئی کاغذ پہ کھنچ کر لفظ سے عاری لکیر
سازؔ شاید بھر گئے ہیں اب مرے قاری کے دن
عبد الاحد ساز 
(1301) ووٹ وصول ہوئے
Zikr Humse Be-talab Ka Kya Talabgari Ke Din In Urdu By Famous Poet Abdul Ahad Saaz. Zikr Humse Be-talab Ka Kya Talabgari Ke Din is written by Abdul Ahad Saaz. Enjoy reading Zikr Humse Be-talab Ka Kya Talabgari Ke Din Poem on Inspiration for Students, Youth, Girls and Boys by Abdul Ahad Saaz. Free Dowlonad Zikr Humse Be-talab Ka Kya Talabgari Ke Din by Abdul Ahad Saaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends