سو کے جب وہ نگار اٹھتا ہے
سو کے جب وہ نگار اٹھتا ہے
مثل ابر بہار اٹھتا ہے
تیری آنکھوں کے آسرے کے بغیر
کب غم روزگار اٹھتا ہے
دو گھڑی اور دل لبھاتا جا
کیوں خفا ہو کے یار اٹھتا ہے
ایسے جاتی ہے زندگی کی امید
جیسے پہلو سے یار اٹھتا ہے
زندگی شرکتوں سے چلتی ہے
کس سے تنہا یہ بار اٹھتا ہے
جو بھی اٹھتا ہے اس کی محفل سے
خستہ و دل فگار اٹھتا ہے
آج کی رات خیر سے گزرے
درد دل بار بار اٹھتا ہے
آؤ کچھ زندگی کے ناز سہیں
کس سے تنہا یہ بار اٹھتا ہے
ہوش میں ہو تو مے کدے سے عدمؔ
کب کوئی بادہ خوار اٹھتا ہے
(1295) ووٹ وصول ہوئے
So Ke Jab Wo Nigar UThta Hai In Urdu By Famous Poet Abdul Hamid Adam. So Ke Jab Wo Nigar UThta Hai is written by Abdul Hamid Adam. Enjoy reading So Ke Jab Wo Nigar UThta Hai Poem on Inspiration for Students, Youth, Girls and Boys by Abdul Hamid Adam. Free Dowlonad So Ke Jab Wo Nigar UThta Hai by Abdul Hamid Adam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends