خواب میں گر کوئی کمی ہوتی

خواب میں گر کوئی کمی ہوتی

آنکھ مدت سے کھل چکی ہوتی

تم سمندر میں کس لئے کودے

آگ تو یوں بھی بجھ گئی ہوتی

وہ تو دریا اتر گیا ورنہ

جانے بستی پہ کیا بنی ہوتی

وہ صدا رات کو جو آتی تھی

جاگتے رہتے تو سنی ہوتی

دے رہی ہے مرے بدن کو دعائیں

رات اکیلی ٹھٹھر گئی ہوتی

ان گنت رنگ تھے نگاہوں میں

کوئی تصویر تو بنی ہوتی

تم یوں ہی سوچتے رہے عابدؔ

عمر یوں بھی گزر گئی ہوتی

(838) ووٹ وصول ہوئے

Your Thoughts and Comments

KHwab Mein Gar Koi Kami Hoti In Urdu By Famous Poet Abid Almi. KHwab Mein Gar Koi Kami Hoti is written by Abid Almi. Enjoy reading KHwab Mein Gar Koi Kami Hoti Poem on Inspiration for Students, Youth, Girls and Boys by Abid Almi. Free Dowlonad KHwab Mein Gar Koi Kami Hoti by Abid Almi in PDF.