ضمیر‌ نوع انسانی کے دن ہیں

ضمیر‌ نوع انسانی کے دن ہیں

صداقت کی جہاں بانی کے دن ہیں

طلسم‌ صبح کاذب خود ہی ٹوٹا

طلوع‌ صبح نورانی کے دن ہیں

جمود فکر توڑا پھر بشر نے

عروج‌ ذہن انسانی کے دن ہیں

حکومت وقف‌ استبداد کیوں ہو

اسی نکتے کی ارزانی کے دن ہیں

ہوئے بے دست و پا ظالم پرانے

ستم کی خانہ ویرانی کے دن ہیں

کھلی ہر فرد و ہر ملت کی قسمت

کہ آزادی کی سلطانی کے دن ہیں

سحرؔ واجب ہے تعظیم تغیر

یہ مانا ہم نے حیرانی کے دن ہیں

(718) ووٹ وصول ہوئے

Your Thoughts and Comments

Zamir-e-nau-e-insani Ke Din Hain In Urdu By Famous Poet Abu Mohammad Sahar. Zamir-e-nau-e-insani Ke Din Hain is written by Abu Mohammad Sahar. Enjoy reading Zamir-e-nau-e-insani Ke Din Hain Poem on Inspiration for Students, Youth, Girls and Boys by Abu Mohammad Sahar. Free Dowlonad Zamir-e-nau-e-insani Ke Din Hain by Abu Mohammad Sahar in PDF.