Gila Kis Se Karen Aghyar-e-dil-azar Kitne Hain

gila kis se karen aghyar-e-dil-azar kitne hain

hamein malum hai ahbab bhi gham-KHwar kitne hain

sakat baqi nahin hai qum be-iznillah kahne ki

masiha bhi hamare daur ke bimar kitne hain

ye socho kaisi rahon se guzar kar main yahan pahuncha

ye mat dekho mere daman mein uljhe KHar kitne hain

jo sote hain nahin kuchh zikr un ka wo to sote hain

magar jo jagte hain un mein bhi bedar kitne hain

bahut hain muddai sach ki taraf-dari ke ai 'zahid'

magar jo jhuT se hain bar-sar-e-paikar kitne hain

(969) Peoples Rate This

Your Thoughts and Comments

Gila Kis Se Karen Aghyar-e-dil-azar Kitne Hain In English By Famous Poet Abul Mujahid Zahid. Gila Kis Se Karen Aghyar-e-dil-azar Kitne Hain is written by Abul Mujahid Zahid. Read famous Poem Gila Kis Se Karen Aghyar-e-dil-azar Kitne Hain for youth and Student by Abul Mujahid Zahid. Free Download Gila Kis Se Karen Aghyar-e-dil-azar Kitne Hain in PDF.