Agar Hum Git Na Gate

hamein mani malum hain

us zindagi ke

jo hum guzar rahe hain

un pattharon ka wazn malum hai

jo hamari be-parwai se

un chizon mein tabdil ho gae

jin ki KHub-surati mein

hamari zindagi ne koi izafa nahin kiya

hum ne apne dil ko

us waqt

qurban-gah par rakhe jaane wale phulon mein

mahsus kiya

jab hum

zaKHmi ghoDon ke julus ke pichhe chal rahe the

shikast hamara KHuda hai

marne ke baad hum usi ki parastish karenge

hum us shaKHs ki maut marenge

jis ne taklifon ke baad dam toDa

zindagi kabhi na jaan sakti

hum us se kiya chahte the

agar hum git na gate

(746) Peoples Rate This

Your Thoughts and Comments

Agar Hum Git Na Gate In English By Famous Poet Afzal Ahmad Syed. Agar Hum Git Na Gate is written by Afzal Ahmad Syed. Read famous Poem Agar Hum Git Na Gate for youth and Student by Afzal Ahmad Syed. Free Download Agar Hum Git Na Gate in PDF.