Sirf Ghair-aham Shaer

sirf ghair-aham shaer

yaad rakhte hain

bachpan ki ghair-zaruri aur safed phulon wali tam-chini ki plate

jis mein roTi milti hai

sirf ghair-aham shaer

be-sharmi se likh dete hain

apni nazmon mein

apni mahbuba ka nam

sirf ghair-aham shaer

yaad rakhte hain

bad-tamizi se talashi liya hua ek kamra

bagh mein khaDi hui ek laDki ki taswir

jo phir kabhi nahin mili

(799) Peoples Rate This

Your Thoughts and Comments

Sirf Ghair-aham Shaer In English By Famous Poet Afzal Ahmad Syed. Sirf Ghair-aham Shaer is written by Afzal Ahmad Syed. Read famous Poem Sirf Ghair-aham Shaer for youth and Student by Afzal Ahmad Syed. Free Download Sirf Ghair-aham Shaer in PDF.