Darpesh Ajal Hai Ganj-e-shahidan KHaridiye

darpesh ajal hai ganj-e-shahidan KHaridiye

turbat ke waste chamanistan KHaridiye

sauda pukarta hai ye fasl-e-bahaar mein

gulshan na mol lijiye zindan KHaridiye

bazar mein ye karti hain ghul meri beDiyan

sohan hamare kaTne ko yan KHaridiye

raft-o-guzasht bhi hua wahshat ka walwala

sozan barae-chaak-e-gareban KHaridiye

le lijiye mera dil-e-sad-chaak muft hai

shana barae-zulf-e-pareshan KHaridiye

bazar-e-mustafa hai KHaridar hai KHuda

KHud bikye yan na kuchh kisi unwan KHaridiye

jis waqt ja nikalte hain bazar-e-husn mein

himmat ye kahti hai ki paristan KHaridiye

hulla koi mangaiye jaan di hai aap par

KHilat hamare waste ai jaan KHaridiye

turbat pe meri hogi takalluf ki raushni

kafur bahr-e-sham-e-shabistan KHaridiye

karte hain shor ganj-e-shahidan mein gul-farosh

chadar barae-gor-e-ghariban KHaridiye

wahshat mein mushk ki na rasad muft lijiye

sauda hai bu-e-kakul-e-pechan KHaridiye

hota hai shauq-e-ishq mein rah rah ke walwala

majnun se dagh-e-dil sar-e-maidan KHaridiye

har-su amal junun ke qalam-rau mein chahiye

DhunDwa ke ek ek bayaban KHaridiye

hote hain jazb-e-ishq se pariyon ke jamghaTe

ek mulk misl-e-mulk-e-sulaiman KHaridiye

chaurang khelne mein harifon ke ai 'sharaf'

bachiye to tegh-e-rustam-e-dastan KHaridiye

(1093) Peoples Rate This

Your Thoughts and Comments

Darpesh Ajal Hai Ganj-e-shahidan KHaridiye In English By Famous Poet Agha Hajju Sharaf. Darpesh Ajal Hai Ganj-e-shahidan KHaridiye is written by Agha Hajju Sharaf. Read famous Poem Darpesh Ajal Hai Ganj-e-shahidan KHaridiye for youth and Student by Agha Hajju Sharaf. Free Download Darpesh Ajal Hai Ganj-e-shahidan KHaridiye in PDF.