Gada-e-daulat-e-didar-e-yar Hum Bhi Hain

gada-e-daulat-e-didar-e-yar hum bhi hain

hamein na bhuliyo ummid-war hum bhi hain

jo banda-parwar o zarra-nawaz-e-yar ho tum

to ye bhi dhyan rahe KHaksar hum bhi hain

jagah do hum ko bhi rahne ko tur par musa

bashar hain banda-e-parwardigar hum bhi hain

hazar shukr qalam-band hain shahidon mein

zahe-sharaf ki tere jaan-nisar hum bhi hain

pasand aai hai parwanon ki jo betabi

idhar bhi dekh lo tum be-qarar hum bhi hain

tamam umr hamari na aankh jhapkegi

jawan-e-marka-e-intizar hum bhi hain

unhin ki bu se moattar dimagh hai apna

wo rashk-e-gul hain to bagh-o-bahaar hum bhi hain

lipaT hi jao gale se hamare KHalwat mein

akele tum bhi ho is waqt yar hum bhi hain

jahan mein the ruKH-e-raushan ke tere parwane

umid-war-e-charagh-e-mazar hum bhi hain

kabhi na likhyo ishaara bhi hum ko chashmak ka

jawab likhne mein jadu-nigar hum bhi hain

KHabar hai husn-paraston ko wo nawazenge

hazar shukr ki ummid-war hum bhi hain

ghubar din ko hain shab ko chaman mein hain KHushbu

ajab do-rangi-e-lail-o-nahaar hum bhi hain

nishana takega koi to dil pukarega

kisi ke tir ke qabil shikar hum bhi hain

bahaar-e-gul mein shahidon ki ruhen kahti hain

'sharaf' miTe hue naqsh-o-nigar hum bhi hain

(1924) Peoples Rate This

Your Thoughts and Comments

Gada-e-daulat-e-didar-e-yar Hum Bhi Hain In English By Famous Poet Agha Hajju Sharaf. Gada-e-daulat-e-didar-e-yar Hum Bhi Hain is written by Agha Hajju Sharaf. Read famous Poem Gada-e-daulat-e-didar-e-yar Hum Bhi Hain for youth and Student by Agha Hajju Sharaf. Free Download Gada-e-daulat-e-didar-e-yar Hum Bhi Hain in PDF.