Hum Hain Ai Yar ChaDhae Hue Paimana-e-ishq

hum hain ai yar chaDhae hue paimana-e-ishq

tere matwale hain mashhur hain mastana-e-ishq

dushmanon mein bhi raha rabt-e-mohabbat barson

KHush na aaya kasi mashuq ko yarana-e-ishq

mujh ko jo chah mohabbat ki hai majnun ko kahan

us ko laila hi ka sauda hai main diwana-e-ishq

jaan lenge ki wo dil lenge jinhen chaha hai

dekhiye karte hain kya aa ke wo jurmana-e-ishq

ja-ba-ja chahne walon ka jo majma dekha

kucha-e-yar ko samjha main jilau-KHana-e-ishq

sal-ha-sal se KHush-bash jo hun sahra mein

aalam-e-hu ko samajhta hun main virana-e-ishq

dil pisa chahta hai ja ke hina par us ki

KHirman-e-husn hua chahta hai dana-e-ishq

dil ka hai qasd teri bazm mein aD kar jaun

kya hi be-par ki uData hai ye parwana-e-ishq

har pari-zad ki hai jalwa-numa ek taswir

shisha-e-dil hai hamara ki pari-KHana-e-ishq

dil mera KHas makan hai jo teri ulfat ka

kahti hai sari KHudai ise kashana-e-ishq

kaun kis ka shab-e-mearaj mein hoga mashuq

ki hai kis shoKH ne ye mahfil-e-shahana-e-ishq

tu kare naz tujhe yar zamana chahe

ta-abad ye rahe aabaad tera KHana-e-ishq

us pari-ru ne jo dekha mere dil ko sad-chaak

apni zulfon mein kiya nam-e-hawa shana-e-ishq

aalam-e-nur teri shakl ka parwana hai

husn ki jaan hai tu aur hai jaanana-e-ishq

sar-ba-kaf ganj-e-shahidan mein chale jate hain

imtihan se nahin Darte tere farzana-e-ishq

naza mein sura-e-yusuf koi lillah paDhe

dam bhi nikle to marun sun ke main afsana-e-ishq

DabDabain meri aankhen to wo kya kahte hain

dekho labrez hain chhalkenge ye paimana-e-ishq

ai 'sharaf' kaun mere dil ke muqabil hoga

ek yahi sari KHudai mein hai mardana-e-ishq

(799) Peoples Rate This

Your Thoughts and Comments

Hum Hain Ai Yar ChaDhae Hue Paimana-e-ishq In English By Famous Poet Agha Hajju Sharaf. Hum Hain Ai Yar ChaDhae Hue Paimana-e-ishq is written by Agha Hajju Sharaf. Read famous Poem Hum Hain Ai Yar ChaDhae Hue Paimana-e-ishq for youth and Student by Agha Hajju Sharaf. Free Download Hum Hain Ai Yar ChaDhae Hue Paimana-e-ishq in PDF.