Hinsa Ke Pahle Mujhe Phir Rula Gaya Ek ShaKHs

hinsa ke pahle mujhe phir rula gaya ek shaKHs

fasana kah ke fasana bana gaya ek shaKHs

dikha ke ek jhalak apni chashm-e-mai-gun se

mai-e-nashat ye kaisi pila gaya ek shaKHs

kahun to kaise kahun ek ajib manzar tha

nigar-KHana-e-hasti saja gaya ek shaKHs

KHalish si uThti hai rah rah ke qalb-e-muztar mein

tha kaisa tir-e-nazar jo chubha gaya ek shaKHs

na jaane aa gaya dam-e-fareb mein kaise

tha sabz bagh jo mujh ko dikha gaya ek shaKHs

thi jis se sham-e-shabistan-e-zindagi raushan

jila ke sham-e-mohabbat bujha gaya ek shaKHs

mein us ko dekh ke hosh-o-hawas kho baiTha

jab aaya hosh mein uTh kar chala gaya ek shaKHs

KHumar jis ka abhi tak hai sar mein 'barqi' ke

sharab-e-shauq ka chaska laga gaya ek shaKHs

(670) Peoples Rate This

Your Thoughts and Comments

Hinsa Ke Pahle Mujhe Phir Rula Gaya Ek ShaKHs In English By Famous Poet Ahmad Ali Barqi Azmi. Hinsa Ke Pahle Mujhe Phir Rula Gaya Ek ShaKHs is written by Ahmad Ali Barqi Azmi. Read famous Poem Hinsa Ke Pahle Mujhe Phir Rula Gaya Ek ShaKHs for youth and Student by Ahmad Ali Barqi Azmi. Free Download Hinsa Ke Pahle Mujhe Phir Rula Gaya Ek ShaKHs in PDF.