Kar Ke Asir-e-ghamza-o-naz-o-ada Mujhe

kar ke asir-e-ghamza-o-naz-o-ada mujhe

ai dil-nawaz tu ne ye kya de diya mujhe

jaana tha itni jald to aaya tha kis liye

ek ek pal hai hijr ka sabr-azma mujhe

bujhne lagi hai sham-e-shabistan-e-arzu

ab sujhta nahin hai koi rasta mujhe

aankhen thin farsh-e-rah tumhaare liye sada

tum aas pas ho yahin aisa laga mujhe

ye dard-e-dil hai mere liye ab wabaal-e-jaan

milta nahin kahin koi dard-ashna mujhe

kashti-e-dil ka saunp diya jis ko nazm-o-nasq

deta raha fareb wahi naKHuda mujhe

rahzan se baDh ke us ka rawayya tha mere sath

pahli nigah mein jo laga rahnuma mujhe

ab main hun aur KHwab-e-pareshan hai mere sath

kitna paDega aur abhi jagna mujhe

kya ye junun-e-shauq gunah-e-azim hai

kis jurm ki mili hai ye aaKHir saza mujhe

'barqi' na ho udas sar-e-rahguzar hai wo

paigham de gai hai ye baad-e-saba mujhe

(578) Peoples Rate This

Your Thoughts and Comments

Kar Ke Asir-e-ghamza-o-naz-o-ada Mujhe In English By Famous Poet Ahmad Ali Barqi Azmi. Kar Ke Asir-e-ghamza-o-naz-o-ada Mujhe is written by Ahmad Ali Barqi Azmi. Read famous Poem Kar Ke Asir-e-ghamza-o-naz-o-ada Mujhe for youth and Student by Ahmad Ali Barqi Azmi. Free Download Kar Ke Asir-e-ghamza-o-naz-o-ada Mujhe in PDF.