Sukun-e-qalb Kisi Ko Nahin Mayassar Aaj

sukun-e-qalb kisi ko nahin mayassar aaj

shikast-e-KHwab hai har shaKHs ka muqaddar aaj

hai waz-e-haal meri kyun ye bad se bad-tar aaj

amir-e-shahr ke badle hue hain tewar aaj

har ek shaKHs hai apne hisar mein mahsur

hai sab ke dar-pae-azar wo sitamgar aaj

kiya hai gardish-e-dauran ne dar-ba-dar sab ko

jo sar mein pahle tha wo panw mein hai chakkar aaj

samajh raha tha jise KHair-KHwah main apna

wahi hai dushman-e-jaan mera sab se baDh kar aaj

fasil-e-shahr ke andar the kitne ahl-e-hunar

nahin hai jin se shanasa koi bhi bahar aaj

dikha raha hai mujhe sabz bagh jo 'barqi'

wo le ke phirta hai kyun aastin mein KHanjar aaj

(643) Peoples Rate This

Your Thoughts and Comments

Sukun-e-qalb Kisi Ko Nahin Mayassar Aaj In English By Famous Poet Ahmad Ali Barqi Azmi. Sukun-e-qalb Kisi Ko Nahin Mayassar Aaj is written by Ahmad Ali Barqi Azmi. Read famous Poem Sukun-e-qalb Kisi Ko Nahin Mayassar Aaj for youth and Student by Ahmad Ali Barqi Azmi. Free Download Sukun-e-qalb Kisi Ko Nahin Mayassar Aaj in PDF.