احساس کا وسیلۂ اظہار ہے غزل

احساس کا وسیلۂ اظہار ہے غزل

آئینہ دار ندرت افکار ہے غزل

اردو ادب کو جس پہ ہمیشہ رہے گا ناز

اظہار فکر و فن کا وہ معیار ہے غزل

گلدستۂ ادب کا گل سر سبد ہے یہ

ہیں جس میں گلعذار وہ گلزار ہے غزل

آتی ہے جس وسیلے سے دل سے زبان پر

خوابیدہ حسرتوں کا وہ اظہار ہے غزل

اردو زبان دل ہے غزل اس کی جان ہے

نوع بشر کی مونس و غم خوار ہے غزل

پہلے حدیث دلبری کہتے تھے اس کو لوگ

اب ترجمان کوچہ و بازار ہے غزل

پیش نظر اگر ہو ولیؔ دکنی کا طرز

مشاطۂ عروس طرحدار ہے غزل

ہے میرؔ و ذوقؔ و غالبؔ و مومنؔ کو جو عزیز

وہ دل نواز جلوہ گہہ یار ہے غزل

برقیؔ کے فکر و فن کا مرقع اسی میں ہے

برقؔ اعظمی سے مطلع انوار ہے غزل

(1082) ووٹ وصول ہوئے

Your Thoughts and Comments

Ehsas Ka Wasil-e-izhaar Hai Ghazal In Urdu By Famous Poet Ahmad Ali Barqi Azmi. Ehsas Ka Wasil-e-izhaar Hai Ghazal is written by Ahmad Ali Barqi Azmi. Enjoy reading Ehsas Ka Wasil-e-izhaar Hai Ghazal Poem on Inspiration for Students, Youth, Girls and Boys by Ahmad Ali Barqi Azmi. Free Dowlonad Ehsas Ka Wasil-e-izhaar Hai Ghazal by Ahmad Ali Barqi Azmi in PDF.