Siyah-raat Pasheman Hai Ham-rakabi Se

siyah-raat pasheman hai ham-rakabi se

wo raushni hai tere gham ki mahtabi se

saba ke hath hai ab izzat-e-nigah meri

chaman mahakne laga gul ki be-hijabi se

farar un se hai mushkil wo dastaras mein nahin

ye zard zard se mausam wo din gulabi se

lahu lahu nazar aati hai shaKH-e-gul mujh ko

khile wo phul teri taza inqilabi se

ajab nahin hai ki pa jaen qafile manzil

hamare naqsh-e-qadam ki sitara-tabi se

koi kitab jo kholen to kya paDhen 'faKHir'

khulin nigah mein chehre agar kitabi se

(899) Peoples Rate This

Your Thoughts and Comments

Siyah-raat Pasheman Hai Ham-rakabi Se In English By Famous Poet Ahmad Fakhir. Siyah-raat Pasheman Hai Ham-rakabi Se is written by Ahmad Fakhir. Read famous Poem Siyah-raat Pasheman Hai Ham-rakabi Se for youth and Student by Ahmad Fakhir. Free Download Siyah-raat Pasheman Hai Ham-rakabi Se in PDF.