بن باس کی ایک شام

یہ آخری ساعت شام کی ہے

یہ شام جو ہے مہجوری کی

یہ شام اپنوں سے دوری کی

اس شام افق کے ہونٹوں پر

جو لالی ہے زہریلی ہے

اس شام نے میری آنکھوں سے

صہبائے طرب سب پی لی ہے

یہ شام غضب تنہائی کی

پت جھڑ کی ہوا برفیلی ہے

اس شام کی رنگت پیلی ہے

اس شام فقط آواز تری

کچھ ایسے سنائی دیتی ہے

آواز دکھائی دیتی ہے

یہ آخری ساعت شام کی ہے

یہ شام بھی تیرے نام کی ہے

(2082) ووٹ وصول ہوئے

Your Thoughts and Comments

Ban-bas Ki Ek Sham In Urdu By Famous Poet Ahmad Faraz. Ban-bas Ki Ek Sham is written by Ahmad Faraz. Enjoy reading Ban-bas Ki Ek Sham Poem on Inspiration for Students, Youth, Girls and Boys by Ahmad Faraz. Free Dowlonad Ban-bas Ki Ek Sham by Ahmad Faraz in PDF.