رقص شرر کیا اب کے وحشت ناک ہوا

رقص شرر کیا اب کے وحشت ناک ہوا

جلتے جلتے سب کچھ جل کر خاک ہوا

سب کو اپنی اپنی پڑی تھی پوچھتے کیا

کون وہاں بچ نکلا کون ہلاک ہوا

موسم گل سے فصل خزاں کی دوری کیا

آنکھ جھپکتے سارا قصہ پاک ہوا

کن رنگوں اس صورت کی تعبیر کروں

خواب ندی میں اک شعلہ پیراک ہوا

ناداں کو آئینہ ہی عیار کرے

خود میں ہو کر وہ کیسا چالاک ہوا

تاریکی کے رات عذاب ہی کیا کم تھے

دن نکلا تو سورج بھی سفاک ہوا

دل کی آنکھیں کھول کے راہ چلو محفوظؔ

دیکھو کیا کیا عالم زیر خاک ہوا

(969) ووٹ وصول ہوئے

Your Thoughts and Comments

Raqs-e-sharar Kya Ab Ke Wahshat-nak Hua In Urdu By Famous Poet Ahmad Mahfuz. Raqs-e-sharar Kya Ab Ke Wahshat-nak Hua is written by Ahmad Mahfuz. Enjoy reading Raqs-e-sharar Kya Ab Ke Wahshat-nak Hua Poem on Inspiration for Students, Youth, Girls and Boys by Ahmad Mahfuz. Free Dowlonad Raqs-e-sharar Kya Ab Ke Wahshat-nak Hua by Ahmad Mahfuz in PDF.