Chand Us Raat Bhi Nikla Tha Magar Us Ka Wajud
chand us raat bhi nikla tha magar us ka wajud
itna KHun-rang tha jaise kisi masum ki lash
tare us raat bhi chamke the magar is Dhab se
jaise kaT jae koi jism-e-hasin qash-ba-qash
itni bechain thi us raat mahak phulon ki
jaise man jis ko ho khoe hue bachche ki talash
peD chiKH uThte the amwaj-e-hawa ki zad mein
nok-e-shamshir ki manind thi jhonkon ki talash
(2451) Peoples Rate This