Ek Jism Hain Ki Sar Se Juda Hone Wale Hain
ek jism hain ki sar se juda hone wale hain
hum bhi zaban se apni ada hone wale hain
tarif ho rahi hai abhi thoDi der baad
KHush hone wale sare KHafa hone wale hain
sunte hain wo anar-kali khilne wali hai
kahiye ki hum bhi mauj-e-saba hone wale hain
qurbat mein us ki aur hi kuchh hone wale the
is se bichhaD ke dekhiye kya hone wale hain
mantar ki tarah us ko paDhe ja rahe hain hum
ek din tilism-e-hosh-ruba hone wale hain
Ahmad Sagheer Siddiqui 
(719) Peoples Rate This