نئے زمانوں کی چاپ تو سر پہ آ کھڑی تھی
نئے زمانوں کی چاپ تو سر پہ آ کھڑی تھی
مری سماعت گزشتہ ادوار میں پڑی تھی
ادھر دئیے کا بدن ہوا سے تھا پارہ پارہ
ادھر اندھیرے کی آنکھ میں اک کرن گڑی تھی
فلک پہ تھا آتشیں درختوں کا ایک جنگل
اور ان درختوں کے بیچ تاریک جھونپڑی تھی
سمائی کس طرح میری آنکھوں کی پتلیوں میں
وہ ایک حیرت جو آئینے سے بہت بڑی تھی
جسے پرویا تھا اپنے ہاتھوں سے تیرے غم نے
صدائے گریہ میں ہچکیوں کی عجب لڑی تھی
ہماری پلکوں پہ رقص کرتے ہوئے شرارے
اور آسماں میں کہیں ستاروں کی پھلجڑی تھی
طلوع صبح ہزار خورشید کی دعا پر
بجھے چراغوں کی راکھ دامن پہ آ پڑی تھی
سبھی غمیں تھے مرے پیالے میں زہر پا کر
میں مطمئن تھا کہ میری تکمیل کی گھڑی تھی
سوال رخ گلستاں میں آیا تو پھول ٹھہرا
لبوں کی حسرت سخن میں پہنچی تو پنکھڑی تھی
یہ لوگ تو ان دنوں بھی ناخوش تھے شہریاراؔ
کہ جن دنوں میرے پاس جادو کی اک چھڑی تھی
(759) ووٹ وصول ہوئے
Nae Zamanon Ki Chap To Sar Pe Aa KhaDi Thi In Urdu By Famous Poet Ahmad Shahryar. Nae Zamanon Ki Chap To Sar Pe Aa KhaDi Thi is written by Ahmad Shahryar. Enjoy reading Nae Zamanon Ki Chap To Sar Pe Aa KhaDi Thi Poem on Inspiration for Students, Youth, Girls and Boys by Ahmad Shahryar. Free Dowlonad Nae Zamanon Ki Chap To Sar Pe Aa KhaDi Thi by Ahmad Shahryar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends