فن جو معیار تک نہیں پہنچا

فن جو معیار تک نہیں پہنچا

اپنے شہکار تک نہیں پہنچا

پگڑی پیروں میں کیسے میں رکھتا

ہاتھ دستار تک نہیں پہنچا

کوئی انعام کوئی بھی تمغہ

سچے حق دار تک نہیں پہنچا

ایسا ہر شخص ہے مسیحا اب

جو کبھی دار تک نہیں پہنچا

ہر خدا جنتوں میں ہے محدود

کوئی سنسار تک نہیں پہنچا

چارہ گر سب کے پاس جاتا تھا

صرف بیمار تک نہیں پہنچا

دوست بن کر دغا نہ دے جو وہ

اپنے کردار تک نہیں پہنچا

مجھ کو القاب کیوں ملیں لوگو

میں تو دربار تک نہیں پہنچا

ایسا جھگڑا بتا دو مجھ کو جو

گھر میں دیوار تک نہیں پہنچا

کس نے بیچا نہیں سخن اپنا

کون بازار تک نہیں پہنچا

(729) ووٹ وصول ہوئے

Your Thoughts and Comments

Fan Jo Mear Tak Nahin Pahuncha In Urdu By Famous Poet Ajay Sahaab. Fan Jo Mear Tak Nahin Pahuncha is written by Ajay Sahaab. Enjoy reading Fan Jo Mear Tak Nahin Pahuncha Poem on Inspiration for Students, Youth, Girls and Boys by Ajay Sahaab. Free Dowlonad Fan Jo Mear Tak Nahin Pahuncha by Ajay Sahaab in PDF.