ملاحظہ ہو مری بھی اڑان پنجرے میں

ملاحظہ ہو مری بھی اڑان پنجرے میں

عطا ہوئے ہیں مجھے دو جہان پنجرے میں

ہے سیرگاہ بھی اور اس میں آب و دانہ بھی

رکھا گیا ہے مرا کتنا دھیان پنجرے میں

اس ایک شرط پر اس نے رہا کیا مجھ کو

رکھے گا رہن وہ میری اڑان پنجرے میں

یہیں ہلاک ہوا ہے پرندہ خواہش کا

تبھی تو ہیں یہ لہو کے نشان پنجرے میں

مجھے ستائے گا تنہائیوں کا موسم کیا

ہے میرے ساتھ مرا خاندان پنجرے میں

فلک پہ جب بھی پرندوں کی صف نظر آئی

ہوئی ہیں کتنی ہی یادیں جوان پنجرے میں

خیال آیا ہمیں بھی خدا کی رحمت کا

سنائی جب بھی پڑی ہے اذان پنجرے میں

طرح طرح کے سبق اس لیے رٹائے گئے

میں بھول جاؤں کھلا آسمان پنجرے میں

(1664) ووٹ وصول ہوئے

Your Thoughts and Comments

Mulahiza Ho Meri Bhi UDan Pinjre Mein In Urdu By Famous Poet Akhilesh Tiwari. Mulahiza Ho Meri Bhi UDan Pinjre Mein is written by Akhilesh Tiwari. Enjoy reading Mulahiza Ho Meri Bhi UDan Pinjre Mein Poem on Inspiration for Students, Youth, Girls and Boys by Akhilesh Tiwari. Free Dowlonad Mulahiza Ho Meri Bhi UDan Pinjre Mein by Akhilesh Tiwari in PDF.