دل شوریدہ کی وحشت نہیں دیکھی جاتی

دل شوریدہ کی وحشت نہیں دیکھی جاتی

روز اک سر پہ قیامت نہیں دیکھی جاتی

اب ان آنکھوں میں وہ اگلی سی ندامت بھی نہیں

اب دل زار کی حالت نہیں دیکھی جاتی

بند کر دے کوئی ماضی کا دریچہ مجھ پر

اب اس آئینے میں صورت نہیں دیکھی جاتی

آپ کی رنجش بے جا ہی بہت ہے مجھ کو

دل پہ ہر تازہ مصیبت نہیں دیکھی جاتی

تو کہانی ہی کے پردے میں بھلی لگتی ہے

زندگی تیری حقیقت نہیں دیکھی جاتی

لفظ اس شوخ کا منہ دیکھ کے رہ جاتے ہیں

لب اظہار کی حسرت نہیں دیکھی جاتی

دشمن جاں ہی سہی ساتھ تو اک عمر کا ہے

دل سے اب درد کی رخصت نہیں دیکھی جاتی

دیکھا جاتا ہے یہاں حوصلۂ قطع سفر

نفس چند کی مہلت نہیں دیکھی جاتی

دیکھیے جب بھی مژہ پر ہے اک آنسو اخترؔ

دیدۂ تر کی رفاقت نہیں دیکھی جاتی

(1635) ووٹ وصول ہوئے

Your Thoughts and Comments

Dil-e-shorida Ki Wahshat Nahin Dekhi Jati In Urdu By Famous Poet Akhtar Saeed Khan. Dil-e-shorida Ki Wahshat Nahin Dekhi Jati is written by Akhtar Saeed Khan. Enjoy reading Dil-e-shorida Ki Wahshat Nahin Dekhi Jati Poem on Inspiration for Students, Youth, Girls and Boys by Akhtar Saeed Khan. Free Dowlonad Dil-e-shorida Ki Wahshat Nahin Dekhi Jati by Akhtar Saeed Khan in PDF.