Samundar Sab Ke Sab Payab Se Hain

samundar sab ke sab payab se hain

kinaron par magar girdab se hain

tere KHat mein jo ashkon ke nishan the

wahi ab kirmak-e-shab-tab se hain

chahak uThta hai saz-e-zindagani

tere alfaz bhi mizrab se hain

dilon mein karb baDhta ja raha hai

magar chehre abhi shadab se hain

hamare zaKHm raushan ho rahe hain

masiha is liye betab se hain

wo jugnu ho sitara ho ki aansu

andhere mein sabhi mahtab se hain

kabhi nashtar kabhi marham samajhna

mere ashaar bhi ahbab se hain

KHushi tera muqaddar hogi 'aKHtar'

ye imkan ab KHayal-o-KHwab se hain

(456) Peoples Rate This

Your Thoughts and Comments

Samundar Sab Ke Sab Payab Se Hain In English By Famous Poet Akhtar Shahjahanpuri. Samundar Sab Ke Sab Payab Se Hain is written by Akhtar Shahjahanpuri. Read famous Poem Samundar Sab Ke Sab Payab Se Hain for youth and Student by Akhtar Shahjahanpuri. Free Download Samundar Sab Ke Sab Payab Se Hain in PDF.