Yaran-e-tez-gam Se Ranjish Kahan Hai Ab

yaran-e-tez-gam se ranjish kahan hai ab

manzil pe ja pahunchne ki KHwahish kahan hai ab

zindan mein din bhi raat hi jaisa guzar gaya

ahl-e-junun wo pahli si shorish kahan hai ab

jam-e-sharab ab to mere samne na rakh

aankhon mein nur hath mein jumbish kahan hai ab

halqa-ba-gosh koi na ab yar hai yahan

wo roz-o-shab ki dad-o-sataish kahan hai ab

jine ka haq jo manga to tewar badal gae

wo mere muhsinon ki nawazish kahan hai ab

chehre pe gard-e-umr-e-rawan ka zuhur hai

banhon ke baale boson ki barish kahan hai ab

KHanjar ho ya ki dashna ho ya tegh ya qalam

'aKHtar' wo aab aur wo burrish kahan hai ab

(752) Peoples Rate This

Your Thoughts and Comments

Yaran-e-tez-gam Se Ranjish Kahan Hai Ab In English By Famous Poet Akhtar Shahjahanpuri. Yaran-e-tez-gam Se Ranjish Kahan Hai Ab is written by Akhtar Shahjahanpuri. Read famous Poem Yaran-e-tez-gam Se Ranjish Kahan Hai Ab for youth and Student by Akhtar Shahjahanpuri. Free Download Yaran-e-tez-gam Se Ranjish Kahan Hai Ab in PDF.