Tai Kar Chuke Ye Zindagi-e-jawedan Se Hum

tai kar chuke ye zindagi-e-jawedan se hum

aage baDhenge aur uThe hain jahan se hum

kis ko sada den kis se kahen sath le chalo

pichhe rahe ghubar-e-rah-e-karwan se hum

dil mein jo dard hai wo nigahon se hai ayan

ye baat aur hai na kahen kuchh zaban se hum

chaunka diya qafas ne hamein gahri nind se

wabasta ho chale the bahut aashiyan se hum

gar aa bhi jae meri jabin tak wo aastan

laenge sajda-rezi ki aadat kahan se hum

faiz-e-junun se fursat-e-fariyaad hi na thi

na-ashna hi rah gae tarz-e-fughan se hum

dekhi hain hum ne un ki pashiman-nigahiyan

kahna ho lakh phir bhi kahen kis zaban se hum

(749) Peoples Rate This

Your Thoughts and Comments

Tai Kar Chuke Ye Zindagi-e-jawedan Se Hum In English By Famous Poet Ali Jawwad Zaidi. Tai Kar Chuke Ye Zindagi-e-jawedan Se Hum is written by Ali Jawwad Zaidi. Read famous Poem Tai Kar Chuke Ye Zindagi-e-jawedan Se Hum for youth and Student by Ali Jawwad Zaidi. Free Download Tai Kar Chuke Ye Zindagi-e-jawedan Se Hum in PDF.