دل بیدار فاروقی دل بیدار کراری

دل بیدار فاروقی دل بیدار کراری

مس آدم کے حق میں کیمیا ہے دل کی بیداری

دل بیدار پیدا کر کہ دل خوابیدہ ہے جب تک

نہ تیری ضرب ہے کاری نہ میری ضرب ہے کاری

مشام تیز سے ملتا ہے صحرا میں نشاں اس کا

ظن و تخمیں سے ہاتھ آتا نہیں آہوئے تاتاری

اس اندیشے سے ضبط آہ میں کرتا رہوں کب تک

کہ مغ زادے نہ لے جائیں تری قسمت کی چنگاری

خداوندا یہ تیرے سادہ دل بندے کدھر جائیں

کہ درویشی بھی عیاری ہے سلطانی بھی عیاری

مجھے تہذیب حاضر نے عطا کی ہے وہ آزادی

کہ ظاہر میں تو آزادی ہے، باطن میں گرفتاری

تو اے مولائے یثرب آپ میری چارہ سازی کر

مری دانش ہے افرنگی مرا ایماں ہے زناری

(529) ووٹ وصول ہوئے

Your Thoughts and Comments

Dil-e-bedar Faruqi Dil-e-bedar Karrari In Urdu By Famous Poet Allama Iqbal. Dil-e-bedar Faruqi Dil-e-bedar Karrari is written by Allama Iqbal. Enjoy reading Dil-e-bedar Faruqi Dil-e-bedar Karrari Poem on Inspiration for Students, Youth, Girls and Boys by Allama Iqbal. Free Dowlonad Dil-e-bedar Faruqi Dil-e-bedar Karrari by Allama Iqbal in PDF.