ستاروں سے آگے جہاں اور بھی ہیں

ستاروں سے آگے جہاں اور بھی ہیں

ابھی عشق کے امتحاں اور بھی ہیں

تہی زندگی سے نہیں یہ فضائیں

یہاں سیکڑوں کارواں اور بھی ہیں

قناعت نہ کر عالم رنگ و بو پر

چمن اور بھی آشیاں اور بھی ہیں

اگر کھو گیا اک نشیمن تو کیا غم

مقامات آہ و فغاں اور بھی ہیں

تو شاہیں ہے پرواز ہے کام تیرا

ترے سامنے آسماں اور بھی ہیں

اسی روز و شب میں الجھ کر نہ رہ جا

کہ تیرے زمان و مکاں اور بھی ہیں

گئے دن کہ تنہا تھا میں انجمن میں

یہاں اب مرے رازداں اور بھی ہیں

(3767) ووٹ وصول ہوئے

Your Thoughts and Comments

Sitaron Se Aage Jahan Aur Bhi Hain In Urdu By Famous Poet Allama Iqbal. Sitaron Se Aage Jahan Aur Bhi Hain is written by Allama Iqbal. Enjoy reading Sitaron Se Aage Jahan Aur Bhi Hain Poem on Inspiration for Students, Youth, Girls and Boys by Allama Iqbal. Free Dowlonad Sitaron Se Aage Jahan Aur Bhi Hain by Allama Iqbal in PDF.