طارق کی دعا

(اندلس کے میدان جنگ میں)

یہ غازی یہ تیرے پر اسرار بندے

جنہیں تو نے بخشا ہے ذوق خدائی

دو نیم ان کی ٹھوکر سے صحرا و دریا

سمٹ کر پہاڑ ان کی ہیبت سے رائی

دو عالم سے کرتی ہے بیگانہ دل کو

عجب چیز ہے لذت آشنائی

شہادت ہے مطلوب و مقصود مومن

نہ مال غنیمت نہ کشور کشائی

خیاباں میں ہے منتظر لالہ کب سے

قبا چاہیئے اس کو خون عرب سے

کیا تو نے صحرا نشینوں کو یکتا

خبر میں نظر میں اذان سحر میں

طلب جس کی صدیوں سے تھی زندگی کو

وہ سوز اس نے پایا انہیں کے جگر میں

کشاد در دل سمجھتے ہیں اس کو

ہلاکت نہیں موت ان کی نظر میں

دل مرد مومن میں پھر زندہ کر دے

وہ بجلی کہ تھی نعرۂ لا تذر میں

عزائم کو سینوں میں بیدار کر دے

نگاہ مسلماں کو تلوار کر دے

(5946) ووٹ وصول ہوئے

Your Thoughts and Comments

Tariq Ki Dua In Urdu By Famous Poet Allama Iqbal. Tariq Ki Dua is written by Allama Iqbal. Enjoy reading Tariq Ki Dua Poem on Inspiration for Students, Youth, Girls and Boys by Allama Iqbal. Free Dowlonad Tariq Ki Dua by Allama Iqbal in PDF.