دھنک
ایک کتا جھاڑیوں میں لا وارث نو مولود بچے کی حفاظت کر رہا تھا
ایک ماں اپنے ننھے بچے کے گال پر کاجل کا ٹیکہ لگا رہی تھی
ایک معصوم بچے کی انگلی پکڑ کر ایک بوڑھا اور نا بینا شخص
سڑک پار کر رہا تھا
رامش و رنگ میں ڈوبی ہوئی برات میں ہنڈیوں کو اپنے سروں پر
مزدور اٹھائے ہوئے تھے
میری آنکھوں میں آنسو تھے اور پالن ہار تو مجھے یاد آ رہا تھا
دہی بلوتی ہوئی مشفق ماں کے ہونٹوں سے شہد میں گوندھے ہوئے
کجری کے بول پھوٹ رہے تھے
سرکنڈا ہاتھ میں لیے ہوئے ننگ دھڑنگ چرواہا برہا کی تان لگا رہا تھا
سورج کی نرم کرنوں کے جھالے میں دریا کنارے
سوہنی برتن مانجھ رہی تھی
پونم کے ہنڈولے پر چرخہ کاتتی ہوئی دادی ماں کو بچے ڈھونڈ رہے تھے
میری آنکھوں میں آنسو تھے اور پالن ہار تو مجھے یاد آ رہا تھا
فضا کے سوپ میں دھوپ کو پچھورتی ہوئی ہوا
میرے کھپریل میں امرت انڈیل گئی تھی
گیہوں کی ہری بالیوں رائی کے اجلے بھولوں سرسوں کی نیلی چنریوں
اور السی کی نیلی اوڑھنیوں کو دیکھ کر
میرے ابا کی بوڑھی آنکھوں سے جگنو گرنے لگے تھے
نو مولود بچھڑے کے جسم کو چاٹتی ہوئی گائے پہلو میں گھاس لیے کھڑی ہوئی
میری اماں کو کنکھیوں سے دیکھ رہی تھی
میری باجی اپنے حصے کا باسی دال بھات بھوکی بلی کو کھلا رہی تھی
میری آنکھوں میں آنسو تھے اور پالن ہار
تو مجھے یاد آ رہا تھا
(1296) ووٹ وصول ہوئے
Dhanak In Urdu By Famous Poet Ambar Bahraichi. Dhanak is written by Ambar Bahraichi. Enjoy reading Dhanak Poem on Inspiration for Students, Youth, Girls and Boys by Ambar Bahraichi. Free Dowlonad Dhanak by Ambar Bahraichi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends