دل جو سینے میں زار سا ہے کچھ
دل جو سینے میں زار سا ہے کچھ
غم سے بے اختیار سا ہے کچھ
رخت ہستی بدن پہ ٹھیک نہیں
جامۂ مستعار سا ہے کچھ
چشم نرگس کہاں وہ چشم کہاں
نشہ کیسا خمار سا ہے کچھ
نخل امید میں نہ پھول نہ پھل
شجر بے بہار سا ہے کچھ
ساقیا ہجر میں یہ ابر نہیں
آسماں پر غبار سا ہے کچھ
کل تو آفت تھی دل کی بیتابی
آج بھی بے قرار سا ہے کچھ
مردہ ہے دل تو گور ہے سینہ
داغ شمع مزار سا ہے کچھ
اس کو دنیا کی اس کو خلد کی حرص
رند ہے کچھ نہ پارسا ہے کچھ
پہلے اس سے تھا ہوشیار امیرؔ
اب تو بے اختیار سا ہے کچھ
امیر مینائی 
(927) ووٹ وصول ہوئے
Dil Jo Sine Mein Zar Sa Hai Kuchh In Urdu By Famous Poet Ameer Minai. Dil Jo Sine Mein Zar Sa Hai Kuchh is written by Ameer Minai. Enjoy reading Dil Jo Sine Mein Zar Sa Hai Kuchh Poem on Inspiration for Students, Youth, Girls and Boys by Ameer Minai. Free Dowlonad Dil Jo Sine Mein Zar Sa Hai Kuchh by Ameer Minai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends