دنیا کو جب نزدیکی سے دیکھا ہے

دنیا کو جب نزدیکی سے دیکھا ہے

تب سمجھا یہ سب کچھ کھیل تماشہ ہے

ہاتھوں کی دو چار لکیریں پڑھ کر کے

وہ کہتا ہے آگے سب کچھ اچھا ہے

اس سے پہلی بار ملا پر حیراں ہوں

دل میں تب سے گھر کر کے وہ بیٹھا ہے

کاغذ پر دل کی تصویر بنا کر کے

اس نے پوچھا یہ کس شے کا نقشہ ہے

سوچ رہا ہوں میں اس کا سودا کر دوں

اس کی یادوں کا جو دل میں ملبہ ہے

دونوں پہلو میں ہی ہار چھپی اس میں

میرے ہاتھوں میں اب یہ جو سکہ ہے

اس خاطر میں روز مشقت کرتا ہوں

آسانی سے کیا حاصل ہو پاتا ہے

جب قدرت نے تھوڑا آج نوازا تو

سارے مجھ سے پوچھے ہیں تو کیسا ہے

میتؔ یہاں اپنے تو نام کے اپنے ہیں

انجانوں سے رشتہ دل کا گہرا ہے