سورج

سورج کے دم سے بچو دنیا میں ہے اجالا

سورج نہ ہو تو چہرہ دنیا کا ہوگا کالا

سورج میں مادے کی حالت پلازمہ ہے

پوچھو یہ آج ہم سے کیسی ہے اور کیا ہے

ہاں گیس سے زیادہ ہلکی پلازمہ ہے

بچو یہ تیز گرمی کی خود ہی رہنما ہے

سورج کی روشنی سے بنتا ہے بھاپ پانی

لیتی ہے جنم بچو بادل کی پھر کہانی

اک سرخ شعلہ بن کر سورج دہک رہا ہے

سورج کی روشنی سے چندا چمک رہا ہے

سولر ہیٹروں کو سورج نے دی حرارت

سورج کی پیڑ پودوں پہ ہوتی ہے عنایت

حافظؔ یہ شام کو جو چہرہ ہے خود ہی فق ہے

سورج کے ڈوبنے سے آکاش پر شفق ہے

(1160) ووٹ وصول ہوئے

Your Thoughts and Comments

Suraj In Urdu By Famous Poet Amjad Husain Hafiz. Suraj is written by Amjad Husain Hafiz. Enjoy reading Suraj Poem on Inspiration for Students, Youth, Girls and Boys by Amjad Husain Hafiz. Free Dowlonad Suraj by Amjad Husain Hafiz in PDF.