اس نے آہستہ سے جب پکارا مجھے

اس نے آہستہ سے جب پکارا مجھے

جھک کے تکنے لگا ہر ستارا مجھے

تیرا غم اس فشار شب و روز میں

ہونے دیتا نہیں بے سہارا مجھے

ہر ستارے کی بجھتی ہوئی روشنی

میرے ہونے کا ہے استعارا مجھے

اے خدا کوئی ایسا بھی ہے معجزہ

جو کہ مجھ پر کرے آشکارا مجھے

کوئی سورج نہیں کوئی تارا نہیں

تو نے کس جھٹپٹے میں اتارا مجھے

عکس امروز میں نقش دیروز میں

اک اشارا تجھے اک اشارا مجھے

ہیں ازل تا ابد ٹوٹتے آئینے

آگہی نے کہاں لا کے مارا مجھے

(1157) ووٹ وصول ہوئے

Your Thoughts and Comments

Usne Aahista Se Jab Pukara Mujhe In Urdu By Famous Poet Amjad Islam Amjad. Usne Aahista Se Jab Pukara Mujhe is written by Amjad Islam Amjad. Enjoy reading Usne Aahista Se Jab Pukara Mujhe Poem on Inspiration for Students, Youth, Girls and Boys by Amjad Islam Amjad. Free Dowlonad Usne Aahista Se Jab Pukara Mujhe by Amjad Islam Amjad in PDF.