کب عشق میں یاروں کی پذیرائی ہوئی ہے

کب عشق میں یاروں کی پذیرائی ہوئی ہے

ہر کوہ کن و قیس کی رسوائی ہوئی ہے

اس کوہ کو میں نے ہی تراشا ہے مری جان

تجھ تک یہ جوئے شیر مری لائی ہوئی ہے

اس شہر میں کیا چاند چمکتا ہوا دیکھیں

اس شہر میں ہر شکل تو گہنائی ہوئی ہے

وہ عشق کی زنجیر جو کاٹے نہیں کٹتی

پیروں میں وہ تیری ہی تو پہنائی ہوئی ہے

یہ تخت سبا خلعت گل کرسیٔ مہتاب

سب تیرے لیے انجمن آرائی ہوئی ہے

جو تیرے خزانے کے لیے لوح شرف ہے

وہ مہر جواہر مری ٹھکرائی ہوئی ہے

شہرہ ہے بہت جس کی تلاوت کا چمن میں

وہ آیت گل میری ہی پڑھوائی ہوئی ہے

تھی جو نہ کسی شانۂ یوسف کی طلب گار

وہ زلف زلیخا مری سودائی ہوئی ہے

دیکھا ہے کسی آہوئے خوش چشم کو اس نے

آنکھوں میں بہت اس کی چمک آئی ہوئی ہے

(681) ووٹ وصول ہوئے

Your Thoughts and Comments

Kab Ishq Mein Yaron Ki Pazirai Hui Hai In Urdu By Famous Poet Anees Ashfaq. Kab Ishq Mein Yaron Ki Pazirai Hui Hai is written by Anees Ashfaq. Enjoy reading Kab Ishq Mein Yaron Ki Pazirai Hui Hai Poem on Inspiration for Students, Youth, Girls and Boys by Anees Ashfaq. Free Dowlonad Kab Ishq Mein Yaron Ki Pazirai Hui Hai by Anees Ashfaq in PDF.