اگلے دن کچھ ایسے ہوں گے

اگلے دن کچھ ایسے ہوں گے

چھلکے پھلوں سے مہنگے ہوں گے

ننھی ننھی چیونٹیوں کے بھی

ہاتھی جیسے سائے ہوں گے

بھیڑ تو ہوگی لیکن پھر بھی

سونے سونے رستے ہوں گے

پھول کھلیں گے تنہا تنہا

جھرمٹ جھرمٹ کانٹے ہوں گے

لوگ اسے بھگوان کہیں گے

جس کی جیب میں پیسے ہوں گے

ریت جلے گی دھوپ میں انورؔ

برف پہ بادل چھائے ہوں گے

(2289) ووٹ وصول ہوئے

Your Thoughts and Comments

Agle Din Kuchh Aise Honge In Urdu By Famous Poet Anwar Masood. Agle Din Kuchh Aise Honge is written by Anwar Masood. Enjoy reading Agle Din Kuchh Aise Honge Poem on Inspiration for Students, Youth, Girls and Boys by Anwar Masood. Free Dowlonad Agle Din Kuchh Aise Honge by Anwar Masood in PDF.