بجٹ میں نے دیکھے ہیں سارے ترے

بجٹ میں نے دیکھے ہیں سارے ترے

انوکھے انوکھے خسارے ترے

اللے تللے ادھارے ترے

بھلا کون قرضے اتارے ترے

گرانی کی سوغات حاصل مرا

محاصل ترے گوشوارے ترے

مشیروں کا جمگھٹ سلامت رہے

بہت کام جس نے سنوارے ترے

مری سادہ لوحی سمجھتی نہیں

حسابی کتابی اشارے ترے

کئی اصطلاحوں میں گوندھے ہوئے

کنائے ترے استعارے ترے

تو اربوں کی کھربوں کی باتیں کرے

عدد کون اتنے شمارے ترے

تجھے کچھ غریبوں کی پروا نہیں

وڈیرے ہیں پیارے دلارے ترے

ادھر سے لیا کچھ ادھر سے لیا

یونہی چل رہے ہیں ادارے ترے

(658) ووٹ وصول ہوئے

Related Poetry

Your Thoughts and Comments

BajaT Maine Dekhe Hain Sare Tere In Urdu By Famous Poet Anwar Masood. BajaT Maine Dekhe Hain Sare Tere is written by Anwar Masood. Enjoy reading BajaT Maine Dekhe Hain Sare Tere Poem on Inspiration for Students, Youth, Girls and Boys by Anwar Masood. Free Dowlonad BajaT Maine Dekhe Hain Sare Tere by Anwar Masood in PDF.