ہم نے دیکھا ہے اتنے کھنڈر خواب میں

ہم نے دیکھا ہے اتنے کھنڈر خواب میں

اب تو لگتا نہیں ہم کو ڈر خواب میں

اپنی برسوں سے ہے اک وہی آرزو

روز آ جائے ہے جو نظر خواب میں

وقت آنے پہ سب کو غشی آ گئی

جو بتاتے تھے خود کو نڈر خواب میں

ظلم کی آندھیاں بڑھ کے طوفاں ہوئیں

مست دنیا ہے پر رات بھر خواب میں

عشق کی یہ مسافت بھی کیا خوب ہے

چاند تارے ہوئے رہ گزر خواب میں

ان سے ہوتا ہے ہر رات عہد وفا

اور نبھاتے ہیں ہم بیشتر خواب میں

روز و شب کھو گئے ہیں نہ جانے کہاں

اب تو ہوتی ہے شام و سحر خواب میں

جو بہت معتبر آ رہے ہیں نظر

ان کے ہوتے ہیں کار دگر خواب میں

زندگی کی حقیقت عجب ہو گئی

آج کل ہو رہی ہے بسر خواب میں

(778) ووٹ وصول ہوئے

Your Thoughts and Comments

Humne Dekha Hai Itne KhanDar KHwab Mein In Urdu By Famous Poet Ashhad Bilal Ibn-e-chaman. Humne Dekha Hai Itne KhanDar KHwab Mein is written by Ashhad Bilal Ibn-e-chaman. Enjoy reading Humne Dekha Hai Itne KhanDar KHwab Mein Poem on Inspiration for Students, Youth, Girls and Boys by Ashhad Bilal Ibn-e-chaman. Free Dowlonad Humne Dekha Hai Itne KhanDar KHwab Mein by Ashhad Bilal Ibn-e-chaman in PDF.