Shikwa-e-muKHtasar

mujhe shikwa nahin duniya ki un zohra-jabinon se

hui jin se na mere shauq-e-ruswa ki pazirai

mujhe shikwa nahin un pak baatin nukta-chinon se

lab-e-mojiz-numa ne jin ke mujh par aag barsai

mujhe shikwa nahin tahzib ke un pasbanon se

na lene di jinhon ne fitrat-e-shair ko angDai

mujhe shikwa nahin dair-o-haram ke aastanon se

wo jin ke dar pe ki hai muddaton main ne jabin-sai

mujhe shikwa nahin uftadagan-e-aish-o-ishrat se

wo jin ko mere haal-e-zar par aksar hansi aai

mujhe shikwa nahin un sahiban-e-jah-o-sarwat se

nahin aati mere hissa mein jin ki ek bhi pai

zamane ke nizam-e-zang-aluda se shikwa hai

qawanin-e-kuhan aain-e-farsuda se shikwa hai

(771) Peoples Rate This

Your Thoughts and Comments

Shikwa-e-muKHtasar In English By Famous Poet Asrar-ul-Haq Majaz. Shikwa-e-muKHtasar is written by Asrar-ul-Haq Majaz. Read famous Poem Shikwa-e-muKHtasar for youth and Student by Asrar-ul-Haq Majaz. Free Download Shikwa-e-muKHtasar in PDF.