Wo Chand Tha Baadalon Mein Gum Tha

wo chand tha baadalon mein gum tha

wo aks tha paniyon mein gum tha

dastak ki sada to aa rahi thi

main apne hi wahimon mein gum tha

chehre pe mohabbaten saji thin

dil apni hi nafraton mein gum tha

miTTi mein nami kahan se aati

pani to samundaron mein gum tha

darbar mein kursiyan saji thin

har shaKHs aqidaton mein gum tha

us ahd ka kya shumar kije

jo ahd kai ruton mein gum tha

insaf ki bhik kise milti

qanun shahadaton mein gum tha

shirin se saja tha qasr-e-KHusraw

farhad mohabbaton mein gum tha

manzil ka suragh dene wala

be-nam masafaton mein gum tha

(839) Peoples Rate This

Your Thoughts and Comments

Wo Chand Tha Baadalon Mein Gum Tha In English By Famous Poet Asrar Zaidi. Wo Chand Tha Baadalon Mein Gum Tha is written by Asrar Zaidi. Read famous Poem Wo Chand Tha Baadalon Mein Gum Tha for youth and Student by Asrar Zaidi. Free Download Wo Chand Tha Baadalon Mein Gum Tha in PDF.