وہ دور قریب آ رہا ہے (ردیف .. ی)

وہ دور قریب آ رہا ہے

جب داد ہنر نہ مل سکے گی

اس شب کا نزول ہو رہا ہے

جس شب کی سحر نہ مل سکے گی

پوچھو گے ہر اک سے ہم کہاں ہیں

اور اپنی خبر نہ مل سکے گی

آساں بھی نہ ہوگا گھر میں رہنا

توفیق سفر نہ مل سکے گی

خنجر سی زباں کا زخم کھا کے

مرہم سی نظر نہ مل سکے گی

اس راہ سفر میں سایۂ افگن

اک شاخ شجر نہ مل سکے گی

جاؤ گے کسی کی انجمن میں

پر اس سے نظر نہ مل سکے گی

اک جنس وفا ہے جس کو ہر سو

ڈھونڈو گے مگر نہ مل سکے گی

سیلاب ہوس امڈ رہا ہے

اک تشنہ نظر نہ مل سکے گی

(997) ووٹ وصول ہوئے

Your Thoughts and Comments

Wo Daur Qarib Aa Raha Hai In Urdu By Famous Poet Athar Nafees. Wo Daur Qarib Aa Raha Hai is written by Athar Nafees. Enjoy reading Wo Daur Qarib Aa Raha Hai Poem on Inspiration for Students, Youth, Girls and Boys by Athar Nafees. Free Dowlonad Wo Daur Qarib Aa Raha Hai by Athar Nafees in PDF.