کس قدر کم اساس ہیں کچھ لوگ

کس قدر کم اساس ہیں کچھ لوگ

صرف اپنا قیاس ہیں کچھ لوگ

جن کو دیوار و در بھی ڈھک نہ سکے

اس قدر بے لباس ہیں کچھ لوگ

مطمئن ہیں بہت ہی دنیا سے

پھر بھی کتنے اداس ہیں کچھ لوگ

وہ برے ہوں بھلے ہوں جیسے ہوں

کچھ ہوں لوگوں کو راس ہیں کچھ لوگ

موسموں کا کوئی اثر ہی نہیں

ان پہ جنگل کی گھاس ہیں کچھ لوگ

تیرگی میں نظر نہیں آتے

سائے کی طرح پاس ہیں کچھ لوگ

(843) ووٹ وصول ہوئے

Your Thoughts and Comments

Kis Qadar Kam-asas Hain Kuchh Log In Urdu By Famous Poet Aziz Bano Darab Wafa. Kis Qadar Kam-asas Hain Kuchh Log is written by Aziz Bano Darab Wafa. Enjoy reading Kis Qadar Kam-asas Hain Kuchh Log Poem on Inspiration for Students, Youth, Girls and Boys by Aziz Bano Darab Wafa. Free Dowlonad Kis Qadar Kam-asas Hain Kuchh Log by Aziz Bano Darab Wafa in PDF.