تازہ ہوا بہار کی دل کا ملال لے گئی

تازہ ہوا بہار کی دل کا ملال لے گئی

پائے جنوں سے حلقۂ گردش حال لے گئی

جرأت شوق کے سوا خلوتیان خاص کو

اک ترے غم کی آگہی تا بہ سوال لے گئی

شعلۂ دل بجھا بجھا خاک زباں اڑی اڑی

دشت ہزار دام سے موج خیال لے گئی

رات کی رات بوئے گل کوزۂ گل میں بس گئی

رنگ ہزار مے کدہ روح سفال لے گئی

تیز ہوا کی چاپ سے تیرہ بنوں میں لو اٹھی

روح تغیر جہاں آگ سے فال لے گئی

نافۂ آہوئے تتار زخم نمود کا شکار

دشت سے زندگی کی رو ایک مثال لے گئی

ہجر و وصال و نیک و بد گردش صد ہزار و صد

تجھ کو کہاں کہاں مرے سرو کمال لے گئی

نرم ہوا پہ یوں کھلے کچھ ترے پیرہن کے راز

سب ترے جسم ناز کے راز وصال لے گئی

ماتم مرگ قیس کی کس سے بنے گی داستاں

نوحۂ بے زباں کوئی چشم غزال لے گئی

(1198) ووٹ وصول ہوئے

Your Thoughts and Comments

Taza Hawa Bahaar Ki Dil Ka Malal Le Gai In Urdu By Famous Poet Aziz Hamid Madni. Taza Hawa Bahaar Ki Dil Ka Malal Le Gai is written by Aziz Hamid Madni. Enjoy reading Taza Hawa Bahaar Ki Dil Ka Malal Le Gai Poem on Inspiration for Students, Youth, Girls and Boys by Aziz Hamid Madni. Free Dowlonad Taza Hawa Bahaar Ki Dil Ka Malal Le Gai by Aziz Hamid Madni in PDF.