یہ فضائے ساز و مضرب یے ہجوم تاج داراں

یہ فضائے ساز و مضرب یے ہجوم تاج داراں

چلو آؤ ہم بھی نکلیں بہ لباس سوگواراں

یہ فسون روئے لیلیٰ بہ عذاب جان مجنوں

وہی حسن دشت و در ہے بہ طواف جاں نثاراں

غم کارواں کا آخر کوئی رخ نہ اس سے چھوٹا

وہ حدیث کہہ گئی ہے یہ ہوائے رہ گزاراں

وہ تعصب برہمن جو صنم کو ڈھالتا ہے

رخ نقش پر بھی آیا یہ سپاس نقش کاراں

بہ خیال دوست آخر کوئی خواب ہم کناری

کوئی خواب ہم کناری شب خواب بے قراراں

سر کشت غیر کیا کیا یہ گھٹا برس رہی ہے

کوئی ہم سے آ کے پوچھے اثر دعائے باراں

وہ شکست خواب محفل وہ ہوا کے چار جھونکے

لگی دل پہ تیر بن کر دم صبح یاد یاراں