Mere Rone Pe Ye Hansi Kaisi
mere rone pe ye hansi kaisi
ai sitamgar ye dil-lagi kaisi
khul gai phir koi rag-e-dil kya
dida-e-KHushk hain nami kaisi
hosh hai tujh ko KHak ke putle
ye tamarrud ye sar-kashi kaisi
tha ye ek imtihan tabiat ka
warna naseh se dosti kaisi
ro raha hun isi tasawwur mein
di thi ye mujh ko zindagi kaisi
ab to is dar tak aa gae ho 'aziz'
sambhlo sambhlo ye be-KHudi kaisi
Aziz Lakhnavi 
(828) Peoples Rate This