Karenge Qasd Hum Jis Dam Tumhaare Ghar Mein Aawenge

karenge qasd hum jis dam tumhaare ghar mein aawenge

jo hogi umr bhar ki rah to dam bhar mein aawenge

agar hathon se us shirin-ada ke zabh honge hum

to sharbat ke se ghunT aab-e-dam-e-KHanjar mein aawenge

yahi gar josh-e-girya hai to bah kar sath ashkon ke

hazaron para-e-dil mere chashm-e-tar mein aawenge

gar is qaid-e-bala se ab ki chhuTenge to phir hargiz

na hum dam-e-fareb-e-shoKH-e-ghaarat-gar mein aawenge

na jate garche mar jate jo hum malum kar jate

ki itna tang ja kar kucha-e-dilbar mein aawenge

gareban-chaak lakhon hath se us mehr-e-talat ke

ba-rang-e-subh-e-mahshar arsa-e-mahshar mein aawenge

jo sargardani apni tere diwane dikhaenge

to phir kya kya bagule dasht ke chakkar mein aawenge

'zafar' apna karishma gar dikhaya chashm-e-saqi ne

tamashe jam-e-jam ke sab nazar saghar mein aawenge

(795) Peoples Rate This

Your Thoughts and Comments

Karenge Qasd Hum Jis Dam Tumhaare Ghar Mein Aawenge In English By Famous Poet Bahadur Shah Zafar. Karenge Qasd Hum Jis Dam Tumhaare Ghar Mein Aawenge is written by Bahadur Shah Zafar. Read famous Poem Karenge Qasd Hum Jis Dam Tumhaare Ghar Mein Aawenge for youth and Student by Bahadur Shah Zafar. Free Download Karenge Qasd Hum Jis Dam Tumhaare Ghar Mein Aawenge in PDF.