Lagta Nahin Hai Dil Mera UjDe Dayar Mein
lagta nahin hai dil mera ujDe dayar mein
kis ki bani hai aalam-e-na-paedar mein
kah do in hasraton se kahin aur ja basen
itni jagah kahan hai dil-e-dagh-dar mein
kanTon ko mat nikal chaman se o baghban
ye bhi gulon ke sath pale hain bahaar mein
bulbul ko baghban se na sayyaad se gila
qismat mein qaid likkhi thi fasl-e-bahaar mein
kitna hai bad-nasib 'zafar' dafn ke liye
do gaz zamin bhi na mili ku-e-yar mein
Bahadur Shah Zafar 
(2633) Peoples Rate This